Kantu jira ostiralean, Senidetze Egunaren atariko

"Maiatza Saltsan" ekimenaren baitan, senidetzea gogoratzeko ekitaldietan Zizurkilgo Kantu taldeak ere parte hartu nahi izan du. Horrela, ostiralean, hilak 24, kantu jira izango da Joxe Arregi plazan, iluntzeko 20:00etan hasita. Senidetze Egunera datorren konpartsa kataluiniar bat ere lagun izango da jirarako. Segundo Montes-etik etorritako herritarrren eta Zizurkildarren arteko beste ekitaldi bat izan nahi du ostiralekoak. Kantu jiraren ostean, zizka-mizkak izango dira gainera.

Txartelak Salgai

Hurrengo egunean, hilak 25, larunbatean ospatuko da senidetze eguna. Oraindik eskuragarri daude bazkarirako txartelak Atxulondo eta Iriarte jatetxeetan. Hau da Senidetze Eguneko egitaraua:

11etan, harrera instituzionala Udaletxean

12etan, harrera herrikoia P.m. Otaño plazan. Porrotx pailazoak emanaldia eskainiko du eta kataluiniako konpartsak alaituko du giroa. Talo solidarioez gozatzeko aukera izango da gainera.

14:30etan, bazkari herrikoia frontoian. Ondoren, Anje Duhalde eta Fermin Balentziak emanaldia eskainiko dute,

Webgune honek cookie-ak erabiltzen ditu zure esperientzia ahalik eta hoberena izan dadin. Nabigatzen jarraitzen baduzu, cookie hauen erabilera onartzen ari zara.">Pribatasun politika.

Web orri honetako cookie-ak onartzen ditut.