Jon Erasunen Eskuz Binakako Promozio Txapelketako partida, otsailaren 18an, Zizurkilen

Arratsaldeko 20:00etatik aurrera, pilota-ikuskizunaz gozatzeko aukera izango da Zizurkil Goiko Intxaur pilotalekuan.

Jaialdiaren hasieran, paleta gomaz jardungo dute Leire Perurenak eta Miriam Arrillagak Janire San Sebastian eta Itsaso Erasunen aurka.

Partida hori amaitu ostean, Eskuz Binakako Promozio Txapelketako partida jokatuko da. Arteaga II-Erasun bikotea Peña II-Salaverri bikotearen aurka ibiliko da, nor baino nor gehiago.

Sarrerak 5 euroren truke eskuratu ahal izango dira, aurrez, Zizurkilgo Egarri eta Iriarte tabernetan, eta, horrez gain, egunean bertan ere salgai egongo dira Intxaur frontoian. 16 urtez beherakoak doan sartu ahal izango dira.

Webgune honek cookie-ak erabiltzen ditu zure esperientzia ahalik eta hoberena izan dadin. Nabigatzen jarraitzen baduzu, cookie hauen erabilera onartzen ari zara.">Pribatasun politika.

Web orri honetako cookie-ak onartzen ditut.